Khuaruah Har News

Khuahruah har thawngpang relnak!

Mizo Kan Unau Hna Khi Lai Miphun An Si 

Mizo miphun zong hi Laimi bak an rak si ko. Lai miphun hi miphun tlawmte le miphun fa te ah rak ruat hlah. Nation tiah rak chimmi miphun kan si. Mizo zong hi Lai miphun an si timi hi na thei bal lo a siah cun mah ca tlawmpal te hi rak rel ve hrimhrim.

Lai timi hi Falam holh a hmangmi le Hakha holh a hmangmi long hi an si lo.Lai chung ah cun holh phun tampi a um. Cu cu Lai miphun bia le holh ah kan rumnak cu a si. Lai timi a sullam cu “Laifang, hrampi, lianngan, poimawh, cangkang, tinak a si, “Mi” timi a sullam cu minung tinak a si ko.Cu bantuk in Lai timi cu Ahrampi minung or miphun, A liannganmi Miphun, A Laifang ummi miphun tinak a si.

Kan pipu chan ah Mizoram deng tiang in Lalram a rak si. Lai Bawi sin ah Lushai (Mizo) pawl nih ngunkuai an rak pek hna i, Lai kut tang ah an rak um viar hna i, an rak pen viar hna.An pennak rammi hna cu Lai miphun an rak i ti cio hna. Cun Truck and Carry cauk zong ah Lai Bawi nih an penmi ram cu a kauh tuk caah Lai miphun cu tribe lawng hmanh si lo in Nation an si tiah record an tuah.

Mizo hi Lai miphun an si tiah kan chim tik ah a lungtling lo mi kan um men lai, sihmanhsehlaw an mah mizo bak nih Laimi kan si ve ko tiah an rak chim. Cu cu Truck and Carry cauk volkhatnak, page 160-nak ah hmuh khawh a si. Laimi ka si ve ko ai timi poh cu Lai miphun ah kan pipu hna nih an rak cohlan. Lai timi hi a ho miphun ta hmanh a si hlei lo ti cu mah nih hin fiang tein a lak langhter.

Tuchan ah holh tlawmpal te aidan ruangah pakhat le pakhat miphun dang bantuk i, ai ruatmi kan um pah len. Mah hi a pawi tukmi a si. Ruahnak kaumi kan ngeih lo cun, kan pipu chan ah sahrang hmai hmanh ah a zam bal lomi Laimi hi kan fa chin lengmang lai i, a donghnak ah miphun tlau ah kan i chuah te lai.

Leave a Reply

Your email address will not be published. Required fields are marked *