Khuaruah Har News

Khuahruah har thawngpang relnak!

A Nupi Nu A Thah Hnu Ah A Mah Le Mah Hri In Ai Awk Mipa

Kan vawlei cung thawngpang ngai hi nizan in tuni zingka tiang in thihnak thawngpang lawng te a khat dih ko. Easter Sunday ni cu vawlei cung misual mi hna kan caah kan Bawipa Jesuh khrih a thih i, a thawh tthan ni a si bantuk in vawlei cung khuaza ram kip khrihfa mi hna sunglawi emem in kan hman lio ah minung tampi nunnak a liam ni ah ai rak cang ve.

Kawl ram Kaa Innsaih Kyi district Taungdi khuate ah a nupi nu a thah hnu ah a mah le mah hri in ai awk i a thi tiah theih a si. Mah bantuk thil cangmi April 21 zinglei nazi 11 hrawng ah a cang mi a si. lainawng tu pa cu Taung Di khuate ah a ummi kum 38 Saw Aakhu Noh an tihmi pa nih cun a nupi nu cu namtwe in thilak in a sawh hnu ah a mah le mah hri in ai awk ve.

Mah bantuk lainawn nak a chuah nak ah cun KNU hriam tlai phu hn sin ah thawng an theihter hna. Wanzi distrcit KNPF palik bawi Bo Saw Ngaing nih a chim ning ah cun lainawng tu pa hi mah hlan zawng lungthin hman lo in a rak um lengmang mi a si nak kong cu a chim. Mah ti a umnak a ruang cu rithaisi a rak tawngh tuk raungah a si tiah palik bawi nih cun a chim fawn.

A nupi nu ekinn a kal lio ah khin nam tong in a tuk caah a nunnak a liam hi a si. Mah ti a nupi nu a thih tih a vun hmuh bak in a mah le mah cu hri in ai awk cawlh ve tiah theih a si. A thi mi a pi min cu Daw Muh Ngeing a si i, a luu le a nghawng, a ttang hrawng ah hliam hma fak tuk a put caah a hmun ah a nunnak a liam cawlh tiah theih a si.

Leave a Reply

Your email address will not be published. Required fields are marked *