Khuaruah Har News

Khuahruah har thawngpang relnak!

Tilawng pakhat ai let i minung (150) an thi

Tu lio kan vawlei thawngpang hi cu ngaihchiatna le lungretheihnak in a khat dih cang. Mi tampi cu chungkhar nupi fale cawmnak caah tiin ei le din awk kawl in hmunkip an vah lio ah tilawng le mawtawka, tlanglawng, vanlawng in vanchiatnak phun phun (natural calamity) in minung tampi cu sian loh bu in lei dai tang ah an liam.

(18 April, 2019) ah Central Africa khawmualpi, ram tampi nih an theihnghalmi ram minung 81.34million tluk tam an umnak, Domocratic Republic of Congo i a ummi tidilpi, a lian taktakmi le vawlei cung mi tampi nih an theihmi Lake Kivu tidilpi ah Passenger minung 150 a phurtu Ferry Tilawngpi cu a accident i a hohmanh a nungmi an um lo. Titlami hna hi a tu an kawl cuahmah lio a si tiah CNN News nih cun a chim.

President Felix Tshisekedi nih cun a thimi chungkhar sin ah a ngaihchiatpinak le a zangfahnak hna kawng a chim bu in hnemh nak bia a chim. A tu ti tlami hna lak ah hin an ruak an hmuh lohmi tam tuk an um rih lai tiah zumh a si. Kan vawlei cung khua caan zoh tik ah hin Tial Uk micheu khat hna cu tilawng, tlanglawng, mawtaw cung zawng in an thi tiah a rak phuah mi cu a hman taktak.

Chungjkhar nuam tein zingka ah ka tho ko nain zanlei ah cun mitthli he fanu fapa chungkhar le hna he an ni tthen tthan tawn. Mah bantuk vawlei ah a nung mi kan si caah kan nunnak hi sullam ngeite in kan hman a herh taktak ti kha hawi dawt philh hrim hrim hlah. Zeitik caan theng ah kan thih lai a ho hmanh nih kan chim kho lo.

Leave a Reply

Your email address will not be published. Required fields are marked *