Khuaruah Har News

Khuahruah har thawngpang relnak!

Tichia Luanak An Hman Ti Lo Mi Ah Kum (22) Chung Bak Khua A Sa Mi Nuva Hna

Kan vawlei cung ngai hi aw sifakmi hna caah hin cun vantthatnak kan tihmi hna nih khin an kan kal tak ko lo hlah maw ti awk khin a um. Mirum tampi cu um cawk lo in inn le lo an ngeih lio ah micheu khat cu umnak inn hmanh a ngei lo mi an rak tampi ve.

Colombia ram Medellin lam sir ah tichia luannak an rak sermi an hman ti lo mi ah cun nuva hna cu kum 22 chung bak khua an sa. Mah hna nuva an min cu Maria Carcia le Miguel Restrepo hnanuva an si. Minung umnak ding hmanh a si lo mi ah kum 22 chung khua an sak ko nain an ni nuam kho peng tiah theih a si.

Mah hna nuva nih cun uico pakhat an ngei i mah an uico he cun an pathum in khua an sa tti hna. An umnak tichia luannak a kauh lei cu 65 square feet a si i, a san lei cu 4.5 feet a thukmi a si. Mah khur chung teah cun kum 22 chung bak khua an sa ko nain zei tik hmanh an lung a dong lo tiah theih a si.

Fur ruah a sur caan ah khin cun canphiau in a cung cu an khuh tawn tiah theih a si. Christmas niah cun Restrepo nih cun a nupi caah tiin farkung kha a cawk piak i dawh te in a ttamh piak tawn. Maria Carcia cu mah bantuk tichia luannak ah khua an sak ko nain voikhat te hmanh khi an ngaih a chia bal lo tiah theih a si. Mah ti cu pakhat le pakhat daw le rem tein khua an sa.

Dawtnak a umnak hmun ah hin cun bahra khur hmanh khi a nuam an rak ti mi cu mah hna nuva nih  an fianter ngai ko rua. Dawtnak a um lonak ah cun zei tluk inn le lo a thatnak zong ah nuamh nak a um kho hlei lo. Nuamh nak kan tihmi taktak cu dawtnak a umnak hmun ah khin an rak um tawn. Zei bantuk siafakmi kan si ko zongah dawtnak in khat le khat kan i zoh ah cun khua zeika hmun paoh khi an nuam dih ko.

Leave a Reply

Your email address will not be published. Required fields are marked *